السلام عليكم അൽ
കിതാബ് ചോദ്യോത്തര പരമ്പര
بسم الله
15.04.2020
ചോദ്യം: നിത്യവും
പാരായണം ചെയ്യൽ സുന്നത്തുള്ള ഖുർആൻ ആയത്തുകൾ /സൂറത്തുകൾ എന്നിവ ഏതെല്ലാമാണ്?ഹദീസുകളിൽ നിന്നുള്ള തെളിവുകൾ സഹിതം വിശദീകരിക്കാമോ ?
ഉത്തരം : ഖുർആൻ പാരായണം നിസ്‌ക്കാരത്തിലും അല്ലാത്തപ്പോഴും
വളരെയധികം പുണ്യമുള്ള ഒരു സൽകർമ്മം തന്നെയാണ്.ഖുർആൻ
ഖത്മ് ചെയ്യുന്നത് വളരെയധികം പുണ്യമുള്ള പ്രവർത്തിയാണ്.എന്നാൽ ഖുർആനിലെ ചില സൂറത്തുകളും ആയത്തുകളും പതിവായി ചൊല്ലുന്നതും
ചില പ്രത്യേക സന്ദർഭങ്ങളിൽ ചൊല്ലുന്നതും സ്വീകാര്യമായ ഹദീസുകളിൽ വന്നിട്ടുണ്ട്.അവയിൽ
ചിലതാണ് ഇവിടെ പരാമർശിക്കുന്നത്.
(ആശയം മനസ്സിലാക്കിയും ചിന്തിച്ചും ഖുർആൻ പാരായണം
ചെയ്യാൻ ശ്രദ്ധിക്കണം.കൂടാതെ ഖുർആനിന്റെ പാഠങ്ങൾ ജീവിതത്തിൽ പകർത്താൻ ആത്മാർത്ഥമായ
ശ്രമം ഓരോ ഖാരിഇന്റെ ഭാഗത്ത് ഉണ്ടാവേണ്ടതാണ് )
1.നിസ്‌ക്കാരത്തിലെ
ഖുർആൻ പാരായണം: എല്ലാ നിസ്‌ക്കാരങ്ങളിലും നിർബന്ധമായ സൂറത്തുൽ ഫാതിഹ പാരായണത്തിനു ശേഷം,
ആദ്യത്തെ രണ്ടു റക്അത്തുകളിൽ ഏതെങ്കിലും സൂറത്തുകൾ പാരായണം ചെയ്യൽ സുന്നത്താണ്.
എല്ലാ നിസ്‌ക്കാരങ്ങളിലും
സൂറത്തുൽ ഫാതിഹ പാരായണം ചെയ്യൽ നിർബന്ധമാണ്. നിസ്‌ക്കാരത്തിൽ
ആദ്യത്തെ രണ്ടു റക്അത്തുകളിൽ സൂറത്തുൽ ഫാതിഹ പാരായണത്തിനു ശേഷം മറ്റേതെങ്കിലും ഒരു
സൂറത്തോ ഏതാനും ആയത്തുകളോ പാരായണം ചെയ്യൽ സുന്നത്താണ്.രാത്രിയിലെ സുന്നത്ത് നിസ്‌ക്കാരങ്ങളിൽ
ഉൾപ്പെടെ ഖുർആൻ പാരായണം സുന്നത്താണ്.രാത്രിയിലെ തഹജ്ജുദ് നിസ്‌ക്കാരങ്ങളിൽ നബി സ്വല്ലല്ലാഹു
അലൈഹി വ സല്ലം ധാരാളമായി ഖുർആൻ പാരായണം ചെയ്തിരുന്നു.ചിലപ്പോൾ നബി സ്വല്ലല്ലാഹു അലൈഹി
വ സല്ലം അൽ ബഖറയും ആലു ഇമ്രാനും നിസാഉം സൂറത്തുകൾ ഒരു റക്അത്തിൽ തന്നെ പാരായണം ചെയ്തിരുന്നു.
തെളിവ്:
سورة
المزمل സൂറത്തുൽ മുസമ്മിൽ ഒന്ന് മുതൽ
നാല് വരെ ആയത്തുകൾ കാണുക:
1.
يَا
أَيُّهَا الْمُزَّمِّلُ
ഹേ, വസ്ത്രം
കൊണ്ട് മൂടിയവനേ
2.
قُمِ
اللَّيْلَ إِلَّا قَلِيلًا
രാത്രി അല്‍പസമയം ഒഴിച്ച്‌
എഴുന്നേറ്റ്‌ നിസ്‌ക്കരിക്കുക
3.
نِصْفَهُ
أَوِ انقُصْ مِنْهُ قَلِيلًا
അതിന്‍റെ (രാത്രിയുടെ) പകുതി, അല്ലെങ്കില്‍
അതില്‍ നിന്നു (അല്‍പം) കുറച്ചു കൊള്ളുക.
4.
أَوْ
زِدْ عَلَيْهِ وَرَتِّلِ الْقُرْآنَ تَرْتِيلًا
അല്ലെങ്കില്‍ അതിനെക്കാള്‍ വര്‍ദ്ധിപ്പിച്ചു
കൊള്ളുക. ഖുര്‍ആന്‍ സാവകാശത്തില്‍ പാരായണം നടത്തുകയും ചെയ്യുക.
ആയത്തു 20:
إِنَّ
رَبَّكَ يَعْلَمُ أَنَّكَ تَقُومُ أَدْنَى مِن ثُلُثَيِ اللَّيْلِ وَنِصْفَهُ
وَثُلُثَهُ وَطَائِفَةٌ مِّنَ الَّذِينَ مَعَكَ وَاللَّهُ يُقَدِّرُ اللَّيْلَ
وَالنَّهَارَ عَلِمَ أَن لَّن تُحْصُوهُ فَتَابَ عَلَيْكُمْ فَاقْرَؤُوا مَا
تَيَسَّرَ مِنَ الْقُرْآنِ عَلِمَ أَن سَيَكُونُ مِنكُم مَّرْضَى وَآخَرُونَ
يَضْرِبُونَ فِي الْأَرْضِ يَبْتَغُونَ مِن فَضْلِ اللَّهِ وَآخَرُونَ
يُقَاتِلُونَ فِي سَبِيلِ اللَّهِ فَاقْرَؤُوا مَا تَيَسَّرَ مِنْهُ وَأَقِيمُوا
الصَّلَاةَ وَآتُوا الزَّكَاةَ وَأَقْرِضُوا اللَّهَ قَرْضًا حَسَنًا وَمَا
تُقَدِّمُوا لِأَنفُسِكُم مِّنْ خَيْرٍ تَجِدُوهُ عِندَ اللَّهِ هُوَ خَيْرًا
وَأَعْظَمَ أَجْرًا وَاسْتَغْفِرُوا اللَّهَ إِنَّ اللَّهَ غَفُورٌ رَّحِيمٌ
താങ്കളും താങ്കളുടെ
കൂടെയുള്ളവരില്‍ ഒരു വിഭാഗവും രാത്രിയുടെ മിക്കവാറും മൂന്നില്‍ രണ്ടു ഭാഗവും
ചിലപ്പോള്‍ പകുതിയും
ചിലപ്പോള്‍ മൂന്നിലൊന്നും നിന്നു നമസ്കരിക്കുന്നുണ്ട്‌ എന്ന് തീര്‍ച്ചയായും താങ്കളുടെ
രക്ഷിതാവിന്നറിയാം. അല്ലാഹുവാണ്‌ രാത്രിയെയും പകലിനെയും കണക്കാക്കുന്നത്‌. നിങ്ങള്‍ക്ക്‌
അത് ക്ലിപ്തപ്പെടുത്താനാവുകയില്ലെന്ന്‌ അവന്നറിയാം. അതിനാല്‍ അവന്‍ നിങ്ങള്‍ക്ക്‌
ഇളവ്‌ ചെയ്തിരിക്കുന്നു. ആകയാല്‍ നിങ്ങള്‍ ഖുര്‍ആനില്‍ നിന്ന് സൗകര്യപ്പെട്ടത്
ഓതിക്കൊണ്ട്‌ നമസ്കരിക്കുക. നിങ്ങളുടെ കൂട്ടത്തില്‍ രോഗികളും ഭൂമിയില്‍ സഞ്ചരിച്ച്‌
അല്ലാഹുവിന്റെ അനുഗ്രഹം തേടിക്കൊണ്ടിരിക്കുന്ന വേറെ ചിലരും അല്ലാഹുവിന്റെ മാര്‍ഗത്തില്‍
യുദ്ധം ചെയ്യുന്ന മറ്റ്‌ ചിലരും ഉണ്ടാകും എന്ന് അല്ലാഹുവിന്നറിയാം. അതിനാല്‍
അതില്‍ (ഖുര്‍ആനില്‍) നിന്ന് സൗകര്യപ്പെട്ടത് നിങ്ങള്‍ പാരായണം ചെയ്തു കൊള്ളുകയും
നമസ്കാരം മുറപ്രകാരം നിര്‍വഹിക്കുകയും സകാത്ത് നല്‍കുകയും അല്ലാഹുവിന്ന്‌
ഉത്തമമായ കടം നല്‍കുകയും ചെയ്യുക. സ്വദേഹങ്ങള്‍ക്ക്‌ വേണ്ടി നിങ്ങള്‍ എന്തൊരു നന്‍മ
മുന്‍കൂട്ടി ചെയ്ത്‌ വെക്കുകയാണെങ്കിലും അല്ലാഹുവിങ്കല്‍ അത് ഗുണകരവും ഏറ്റവും
മഹത്തായ പ്രതിഫലമുള്ളതുമായി നിങ്ങള്‍ കണ്ടെത്തുന്നതാണ്‌. നിങ്ങള്‍ അല്ലാഹുവോട്‌
പാപമോചനം തേടുകയും ചെയ്യുക. തീര്‍ച്ചയായും അല്ലാഹു ഏറെ പൊറുക്കുന്നവനും
കരുണാനിധിയുമാകുന്നു.
ഹദീസ്:
عَنْ
عَبْدِ اللَّهِ بْنِ أَبِي قَتَادَةَ، عَنْ أَبِيهِ، أَنَّ النَّبِيَّ صلى الله
عليه وسلم كَانَ يَقْرَأُ فِي الرَّكْعَتَيْنِ الأُولَيَيْنِ مِنَ الظُّهْرِ
وَالْعَصْرِ بِفَاتِحَةِ الْكِتَابِ وَسُورَةٍ وَيُسْمِعُنَا الآيَةَ أَحْيَانًا
وَيَقْرَأُ فِي الرَّكْعَتَيْنِ الأُخْرَيَيْنِ بِفَاتِحَةِ الْكِتَابِ
ആശയം:അബൂ ഖതാദ റദിയല്ലാഹു
അന്ഹു റിപ്പോർട്ട് ചെയ്യുന്നു: നബി സ്വല്ലല്ലാഹു അലൈഹി വ സല്ലം ദുഹ്റിനും അസറിനും
ആദ്യ രണ്ടു റക്അത്തുകളിൽ സൂറത്തുൽ ഫാതിഹയും
ഒരു സൂറത്തും ഓതുമായിരുന്നു .ചിലപ്പോൾ ഞങ്ങളെ ആയത്ത് കേൾപ്പിക്കുമായിരുന്നു.അവസാനത്തെ
രണ്ടു റക്അത്തുകളിൽ ഫാതിഹ (മാത്രം) ഓതുമായിരുന്നു.
(അവലംബം : റിയാദുസ്സാലിഹീൻ
,
സഹീഹ് മുസ്ലിം , فـــتح المــــنعم)
MODULE 02/15.04.2020
2. രാത്രി ഉറങ്ങാൻ കിടക്കുമ്പോൾ 3 തവണ വീതം.
അൽ മുഅവ്വിദാത്ത് എന്നറിയപ്പെടുന്ന
സൂറത്തുൽ ഇഖ്‌ലാസ് , സൂറത്തുൽ ഫലഖ് ,സൂറത്തുന്നാസ് എന്നിവ ഉറങ്ങാൻ കിടക്കുമ്പോൾ
മുൻകൈകളുടെ പള്ള ചേർത്ത് പിടിച്ചു ഓതുകയും
കൈകകളിൽ ഊതുകയും തലയിൽ
നിന്ന് ആരംഭിച്ചു മുഖം, ശരീരത്തിന്റെ മുൻഭാഗം തുടങ്ങി സാധ്യമായ ശരീര ഭാഗങ്ങളിൽ കൈകൾ
കൊണ്ട് തടവുകയും ചെയ്യുക.3 തവണ ഇത് ആവർത്തിക്കുക.
عَنْ
عَائِشَةَ، أَنَّ النَّبِيَّ صلى الله عليه وسلم كَانَ إِذَا أَوَى إِلَى
فِرَاشِهِ كُلَّ لَيْلَةٍ جَمَعَ كَفَّيْهِ ثُمَّ نَفَثَ فِيهِمَا
ثُمَّ يَمْسَحُ بِهِمَا مَا
اسْتَطَاعَ مِنْ جَسَدِهِ يَبْدَأُ بِهِمَا عَلَى رَأْسِهِ وَوَجْهِهِ وَمَا
أَقْبَلَ مِنْ جَسَدِهِ يَفْعَلُ ذَلِكَ ثَلاَثَ مَرَّاتٍ
ആശയം: ആഇശ റദിയല്ലാഹു അന്ഹാ റിപ്പോർട്ട് ചെയ്യുന്നു
: നബി സ്വല്ലല്ലാഹു അലൈഹി വ സല്ലമ എല്ലാ രാത്രിയിലും ഉറങ്ങാൻ കിടക്കുമ്പോൾ,
മുൻകൈകളുടെ പള്ള ചേർത്ത് പിടിച്ചു
സൂറത്തുൽ ഇഖ്‌ലാസ് , സൂറത്തുൽ ഫലഖ് ,സൂറത്തുന്നാസ് എന്നിവ ഓതുകയും കൈകകളിൽ ഊതുകയും തലയിൽ നിന്ന് ആരംഭിച്ചു മുഖം,
ശരീരത്തിന്റെ മുൻഭാഗം തുടങ്ങി സാധ്യമായ ശരീര ഭാഗങ്ങളിൽ കൈകൾ
കൊണ്ട് തടവുകയും ചെയ്യുമായിരുന്നു. നബി മൂന്നു
തവണ ഇപ്രകാരം ചെയ്യുമായിരുന്നു. (അവലംബം : സ്വഹീഹുൽ ബുഖാരി)
3. നിസ്‌ക്കാരങ്ങൾക്കു
ശേഷം ഓരോ തവണ സൂറത്തുൽ ഇഖ്‌ലാസ് , സൂറത്തുൽ
ഫലഖ് ,സൂറത്തുന്നാസ്
എന്നിവ ഓതുക:
തെളിവ്:
عَنْ
عُقْبَةَ بْنِ عَامِرٍ، قَالَ أَمَرَنِي رَسُولُ اللَّهِ صلى الله عليه وسلم أَنْ
أَقْرَأَ بِالْمُعَوِّذَاتِ دُبُرَ كُلِّ صَلاَةٍ
ഉഖ്ബത്ത് ബ്നു ആമിർ റദിയല്ലാഹു അന്ഹു
റിപ്പോർട്ട് ചെയ്യുന്നു: നബി സ്വല്ലല്ലാഹു അലൈഹി വ സല്ലം എന്നോട് നിസ്‌ക്കാരങ്ങൾക്കു
ശേഷം സൂറത്തുൽ ഇഖ്‌ലാസ് ,സൂറത്തുൽ ഫലഖ് ,സൂറത്തുന്നാസ് (അൽ മുഅവ്വിദാത്ത് ) എ ന്നിവ പാരായണം ചെയ്യാൻ കൽപ്പിച്ചു.
(അവലംബം : സുനനു അബീ ദാവൂദ്)
4. സൂറത്തുൽ ഇഖ്‌ലാസ് ,
സൂറത്തുൽ ഫലഖ് ,സൂറത്തുന്നാസ് എന്നിവ രാവിലെയും വൈകുന്നേരവും മൂന്നു തവണ:
തെളിവ്:
عَنْ
مُعَاذِ بْنِ عَبْدِ اللَّهِ بْنِ خُبَيْبٍ، عَنْ أَبِيهِ، أَنَّهُ قَالَ
خَرَجْنَا فِي لَيْلَةِ مَطَرٍ وَظُلْمَةٍ شَدِيدَةٍ نَطْلُبُ رَسُولَ اللَّهِ صلى
الله عليه وسلم لِيُصَلِّيَ لَنَا فَأَدْرَكْنَاهُ فَقَالَ " أَصَلَّيْتُمْ
" . فَلَمْ أَقُلْ شَيْئًا فَقَالَ " قُلْ " . فَلَمْ
أَقُلْ شَيْئًا ثُمَّ قَالَ " قُلْ " . فَلَمْ أَقُلْ شَيْئًا
ثُمَّ قَالَ " قُلْ " . فَقُلْتُ يَا رَسُولَ اللَّهِ مَا أَقُولُ
قَالَ "
وَالْمُعَوِّذَتَيْنِ
حِينَ تُمْسِي وَحِينَ تُصْبِحُ ثَلاَثَ مَرَّاتٍ تَكْفِيكَ مِنْ كُلِّ شَىْءٍ
അബ്ദുല്ലാഹി ബ്നു ഖുബൈബ് റദിയല്ലാഹു അന്ഹു റിപ്പോർട്ട് ചെയ്യുന്നു:
നല്ല മഴയും ഇരുട്ടുമുള്ള ഒരു രാത്രിയിൽ ഞങ്ങൾക്ക് ഇമാമായി നിസ്‌കരിക്കാൻ വേണ്ടി റസൂലിനെ
(സ്വല്ലല്ലാഹു അലൈഹി വ സല്ലം)തേടി ഞങ്ങൾ പുറപ്പെട്ടു.ഞങ്ങൾ
നബിയുടെ അടുത്ത് എത്തിയപ്പോൾ നബി ചോദിച്ചു: നിങ്ങൾ നിസ്‌ക്കരിച്ചോ? ഞാൻ ഒന്നും പറഞ്ഞില്ല
.വീണ്ടും നബി പറഞ്ഞു: ഖുൽ (പറയുക).ഞാൻ ഒന്നും പറഞ്ഞില്ല .നബി പറഞ്ഞു: ഖുൽ (പറയുക).ഞാൻ ഒന്നും
പറഞ്ഞില്ല.നബി പറഞ്ഞു: ഖുൽ (പറയുക)ഞാൻ ചോദിച്ചു: എന്താണ് ഞാൻ പറയേണ്ടത്? അപ്പോൾ നബി പറഞ്ഞു:
ഖുൽ ഹുവല്ലാഹു അഹദ് ( പറയുക: കാര്യം അല്ലാഹു ഏകനാണ്‌ എന്നതാകുന്നു) എന്ന സൂറത്തും
മുഅവ്വിദതൈനിയും ( ഫലഖ് , നാസ് ) രാവിലെയും വൈകുന്നേരവും മൂന്നു തവണ നീ ഓതിയാൽ എല്ലാ സംഗതിയിൽ നിന്നും രക്ഷക്ക് അത് മതി.
(അവലംബം:സുനനു അബീ ദാവൂദ്)
MODULE 03/15.04.2020
5. സൂറത്തുൽ
ബഖറ പാരായണം ചെയ്യുന്ന വീട്ടിൽ നിന്ന് ഓടുമെന്നു
ഹദീസിൽ വന്നിട്ടുണ്ട്.
ഹദീസ്:
عَنْ أَبِي هُرَيْرَةَ، أَنَّ رَسُولَ
اللَّهِ صلى الله عليه وسلم قَالَ "
لاَ تَجْعَلُوا بُيُوتَكُمْ مَقَابِرَ إِنَّ الشَّيْطَانَ يَنْفِرُ مِنَ الْبَيْتِ
الَّذِي تُقْرَأُ فِيهِ سُورَةُ الْبَقَرَةِ "
അബൂ ഹുറൈറ റദിയല്ലാഹു
അന്ഹു റിപ്പോർട്ട് ചെയ്യുന്നു: അല്ലാഹുവിന്റെ റസൂൽ സ്വല്ലല്ലാഹു അലൈഹി വ സല്ലം പറഞ്ഞു:
' നിങ്ങൾ നിങ്ങളുടെ വീടുകളെ
ഖബറുകൾ ആക്കരുത്.നിശ്ചയം സൂറത്തുൽ ബഖറ പാരായണം ചെയ്യപ്പെടുന്ന വീടുകളിൽ നിന്ന് ശൈത്താൻ ഓടിപ്പോകും.'
(അവലംബം : സ്വഹീഹ് മുസ്ലിം)
എല്ലാ ദിവസവും സൂറത്തുൽ
ബഖറ പാരായണം ചെയ്യാൻ സാധിച്ചില്ലെങ്കിലും സൂറത്തുൽ ബഖറയിലെ 255 -ആം നമ്പർ ആയത്തും (ആയത്തുൽ കുർസി) അവസാനത്തെ രണ്ടു
ആയത്തുകളും (ആമനർറസൂലു…)മുടങ്ങാതെ പാരായണം ചെയ്യാൻ പ്രത്യേകം ശ്രദ്ധിക്കണം. പ്രസ്തുത
മൂന്നു ആയത്തുകളുടെ പുണ്യം സംബന്ധിച്ച് നിരവധി ഹദീസുകൾ വന്നിട്ടുണ്ട്.
5A. ആമനർറസൂലു…. സൂറത്തുൽ ബഖറയിലെ അവസാനത്തെ രണ്ടു ആയത്തുകൾ-രാത്രി ഉറങ്ങുന്നതിനു മുമ്പ് ഒരു തവണ.
عَنْ أَبِي مَسْعُودٍ الأَنْصَارِيِّ،
قَالَ قَالَ النَّبِيُّ صلى الله عليه وسلم "
الآيَتَانِ مِنْ آخِرِ سُورَةِ الْبَقَرَةِ مَنْ قَرَأَ بِهِمَا فِي لَيْلَةٍ
كَفَتَاهُ "
ആശയം:അബൂ മസ്ഊദ് അൽ അൻസാരി
റദിയല്ലാഹു അന്ഹു റിപ്പോർട്ട് ചെയ്യുന്നു : നബി സ്വല്ലല്ലാഹു അലൈഹി വ സല്ലമ പ്രസ്താവിച്ചു:'രാത്രി (ഇശാഉ നിസ്‌കാരത്തിന് ശേഷം)സൂറത്തുൽ ബഖറയിലെ അവസാനത്തെ
രണ്ടു ആയത്തുകൾ (ആമനർറസൂലു മുതൽ അവസാനം വരെ) ആരെങ്കിലും പാരായണം ചെയ്‌താൽ അവനു പ്രസ്തുത
രണ്ടു സൂക്തങ്ങൾ മതിയാകും. (അവലംബം : സ്വഹീഹുൽ ബുഖാരി ഫത്ഹുൽ ബാരി സഹിതം)
5B. ആയത്തുൽ കുർസി - രാത്രി ഉറങ്ങുന്നതിനു മുമ്പ് മൂന്നു തവണ
തെളിവ്:
عَنْ أَبِي هُرَيْرَةَ ـ رضى الله عنه
ـ قَالَ وَكَّلَنِي رَسُولُ اللَّهِ صلى الله عليه وسلم بِحِفْظِ زَكَاةِ
رَمَضَانَ، فَأَتَانِي آتٍ، فَجَعَلَ يَحْثُو مِنَ الطَّعَامِ، فَأَخَذْتُهُ
فَقُلْتُ لأَرْفَعَنَّكَ إِلَى رَسُولِ اللَّهِ صلى الله عليه وسلم. فَذَكَرَ
الْحَدِيثَ فَقَالَ إِذَا أَوَيْتَ إِلَى فِرَاشِكَ فَاقْرَأْ آيَةَ الْكُرْسِيِّ
لَنْ يَزَالَ عَلَيْكَ مِنَ اللَّهِ حَافِظٌ، وَلاَ يَقْرَبُكَ شَيْطَانٌ حَتَّى
تُصْبِحَ. فَقَالَ النَّبِيُّ صلى الله عليه وسلم "
صَدَقَكَ وَهْوَ كَذُوبٌ، ذَاكَ شَيْطَانٌ
ആശയം : അബൂ ഹുറൈറ റദിയല്ലാഹു അന്ഹു റിപ്പോർട്ട് ചെയ്യുന്നു : റമദാൻ
മാസത്തിലെ സകാത്ത് മുതൽ (ഫിത്ർ സകാത്ത്)സൂക്ഷിക്കുന്നതിന് അല്ലാഹുവിന്റെ റസൂൽ സ്വല്ലല്ലാഹു
അലൈഹി വ സല്ലമ എന്നെ ഏൽപ്പിച്ചിരുന്നു.അങ്ങിനെ ഒരു രാത്രി ഒരു കള്ളൻ വന്നു സകാത് മുതലിൽ(ഭക്ഷണ
വസ്തുക്കൾ) നിന്ന് മോഷ്ടിക്കാൻ തുടങ്ങി.ഞാൻ അയാളെ പിടികൂടി ഇപ്രകാരം പറഞ്ഞു:' ഞാൻ നിന്നെ പൊക്കി അല്ലാഹുവിന്റെ
റസൂൽ സ്വല്ലല്ലാഹു അലൈഹി വ സല്ലമയെ ഏൽപ്പിക്കും
.(തുടർന്ന് അബൂ ഹുറൈറ നടന്ന സംഭവങ്ങൾ മുഴുവൻ വിവരിച്ചു .വന്ന കള്ളൻ അയാൾ കടുത്ത ദാരിദ്ര്യത്തിൽ
ആണെന്ന് പറഞ്ഞപ്പോൾ സഹാബി അയാളെ വിട്ടയച്ചു.രണ്ടാം ദിവസവും മൂന്നാം ദിവസവും ഇത് ആവർത്തിച്ചു.മൂന്നാം
ദിവസം ആവർത്തിച്ചപ്പോൾ ഉപകാരപ്രദമായ ഒരു അറിവ് അബൂ ഹുറൈറക്കു കള്ളൻ പറഞ്ഞു കൊടുക്കാം
എന്ന് പറഞ്ഞതിന്റെ അടിസ്ഥാനത്തിൽ കള്ളനെ വിട്ടയക്കാമെന്നു അബൂ ഹുറൈറ സമ്മതിച്ചു എന്നെല്ലാം വിവരണത്തിൽ കാണാം) കള്ളൻ പറഞ്ഞു : താങ്കൾ ഉറങ്ങാൻ കിടക്കുമ്പോൾ
ആയത്തുൽ കുർസി പാരായണം ചെയ്യുക .എങ്കിൽ താങ്കളെ സംരക്ഷിക്കാൻ ഒരു കാവൽക്കാരനെ അല്ലാഹു
നിയോഗിക്കും;നേരം പുലരുവോളം ഒരു പിശാചും താങ്കളെ സമീപിക്കുകയുമില്ല. (അബൂ ഹുറൈറയുടെ വിവരണം കേട്ടപ്പോൾ
) നബി സ്വല്ലല്ലാഹു അലൈഹി വ സല്ലം പറഞ്ഞു: അയാൾ നിന്നോട് സത്യം പറഞ്ഞു.എന്നാൽ അയാൾ കളവു പറയുന്നവനാണ് .അയാൾ
ശൈതാനാണ്. (അവലംബം : സ്വഹീഹുൽ ബുഖാരി, മിർഖാത്തുൽ മഫാതീഹ്)
5C. ആയത്തുൽ കുർസി - എല്ലാ ഫർദ് നിസ്‌ക്കാരങ്ങൾക്കും ശേഷം
തെളിവ്:
عَنْ أَبِي أُمَامَةَ قَالَ : قَالَ رَسُولُ
اللهِ صَلَّى اللهُ عَلَيْهِ وَسَلَّمَ : ( مَنْ قَرَأَ آيَةَ الْكُرْسِيِّ فِي
دُبُرِ كُلِّ صَلَاةٍ مَكْتُوبَةٍ لَمْ يَمْنَعْهُ مِنْ دُخُولِ الْجَنَّةِ إِلَّا
أَنْ يَمُوتَ )
അബൂ ഉമാമ റദിയല്ലാഹു അന്ഹാ റിപ്പോർട്ട് ചെയ്യുന്നു:ആരൊരുത്തൻ എല്ലാ ഫർദ് നിസ്‌ക്കാരങ്ങൾക്കും
ശേഷം ആയത്തുൽ കുർസി പാരായണം ചെയ്തുവോ , അവനു സ്വർഗ്ഗ പ്രവേശനത്തിന് മരണമല്ലാതെ മറ്റു തടസ്സങ്ങളില്ല
………………………………………………………………………………..
നിരവധി വഴികളിൽ ഈ ഹദീസ് വന്നിട്ടുണ്ടെന്നും
ചിലർ ഈ ഹദീസിനെ സഹീഹായി പരിഗണിക്കുന്നുണ്ടെന്നും
ദുര്ബലതകളിൽ നിന്ന് പൂർണ്ണമായും മുക്തമല്ലെങ്കിലും ഈ ഹദീസിനു ഒരു അടിസ്ഥാനമുണ്ടെന്നും
സാദുൽ മആദിൽ ഇബ്നു ഖയ്യിം റഹിമഹുല്ലാഹ് വ്യക്തമാക്കിയിട്ടുണ്ട്
وَقَدْ
رُوِيَ هَذَا الْحَدِيثُ مِنْ حَدِيثِ أبي أمامة، وَعَلِيِّ بْنِ أَبِي طَالِبٍ،
وَعَبْدِ اللَّهِ بْنِ عُمَرَ، وَالْمُغِيرَةِ بْنِ شُعْبَةَ، وَجَابِرِ بْنِ
عَبْدِ اللَّهِ، وَأَنَسِ بْنِ مَالِكٍ، وَفِيهَا كُلِّهَا ضَعْفٌ، وَلَكِنْ إِذَا
انْضَمَّ بَعْضُهَا إِلَى بَعْضٍ مَعَ تَبَايُنِ طُرُقِهَا وَاخْتِلَافِ
مَخَارِجِهَا، دَلَّتْ عَلَى أَنَّ الْحَدِيثَ لَهُ أَصْلٌ وَلَيْسَ بِمَوْضُوعٍ
MODULE 04/15.04.2020
6.സൂറത്തുൽ കാഫിറൂന
- ഉറങ്ങുന്നതിനു മുമ്പ് ഒരു തവണ
عَنْ
فَرْوَةَ بْنِ نَوْفَلٍ، عَنْ أَبِيهِ، أَنَّ النَّبِيَّ صلى الله عليه وسلم قَالَ
لِنَوْفَلٍ " اقْرَأْ
ثُمَّ
نَمْ عَلَى خَاتِمَتِهَا فَإِنَّهَا بَرَاءَةٌ مِنَ الشِّرْكِ
ആശയം: ഫർവത്ത്‌ ബ്നു നൗഫൽ അദ്ധേഹത്തിന്റെ
പിതാവിൽ നിന്ന് റിപ്പോർട്ട് ചെയ്യുന്നു:
നബി സ്വല്ലല്ലാഹു അലൈഹി വ സല്ലം
നൗഫൽ റദിയല്ലാഹു അന്ഹുവിനോടു പറഞ്ഞു:'നീ قُلْ يَا أَيُّهَا
الْكَافِرُونَ
പാരായണം ചെയ്ത ശേഷം ഉറങ്ങുക ;കാരണം അത് ശിർക്കിൽ നിന്ന് മുക്തിയാണ്
(ഇത് ‘അല്ലാഹുമ്മ ഇന്നീ അസ്‌ലംതു നഫ്സീ ഇലൈക .....’ എന്ന് തുടങ്ങുന്ന ദിക്‌റിന് മുമ്പ് ആകുന്നതു കൂടുതൽ
ഉത്തമം ആകുമെന്ന് മനസ്സിലാകുന്നു - അല്ലാഹു ഏറ്റവും അറിയുന്നവൻ)
حَسْبِيَ اللّهُ لا إِلَـهَ إِلاَّ هُوَ عَلَيْهِ
تَوَكَّلْتُ وَهُوَ رَبُّ الْعَرْشِ الْعَظِيمِ
‘എനിക്ക്‌
അല്ലാഹു മതി. അവനല്ലാതെ ഒരു ദൈവവുമില്ല. അവന്‍റെ മേലാണ്‌ ഞാന്‍ ഭരമേല്‍പിച്ചിരിക്കുന്നത്‌.
അവനാണ്‌ മഹത്തായ സിംഹാസനത്തിന്‍റെ നാഥന്‍.’ എന്ന വചനം രാവിലെയും വൈകുന്നേരവും ഏഴു തവണ.
തെളിവ്:
عَنْ
أَبِي الدَّرْدَاءِ رضى الله عنه قَالَ مَنْ قَالَ إِذَا أَصْبَحَ وَإِذَا أَمْسَى
حَسْبِيَ اللَّهُ لاَ إِلَهَ إِلاَّ هُوَ عَلَيْهِ تَوَكَّلْتُ وَهُوَ رَبُّ
الْعَرْشِ الْعَظِيمِ سَبْعَ مَرَّاتٍ كَفَاهُ اللَّهُ مَا أَهَمَّهُ صَادِقًا
كَانَ بِهَا أَوْ كَاذِبًا
ആശയം:അബുദ്ദർദാഉ റദിയല്ലാഹു അന്ഹു പ്രസ്താവിക്കുന്നു:ആരൊരുത്തൻ രാവിലെയും
വൈകുന്നേരവും ഏഴു തവണ ,
حَسْبِيَ
اللّهُ لا إِلَـهَ إِلاَّ هُوَ عَلَيْهِ تَوَكَّلْتُ وَهُوَ رَبُّ الْعَرْشِ
الْعَظِيمِ
‘എനിക്ക്‌
അല്ലാഹു മതി. അവനല്ലാതെ ഒരു ദൈവവുമില്ല. അവന്‍റെ മേലാണ്‌ ഞാന്‍ ഭരമേല്‍പിച്ചിരിക്കുന്നത്‌.
അവനാണ്‌ മഹത്തായ സിംഹാസനത്തിന്‍റെ നാഥന്‍.’ എന്ന്
ചൊല്ലുന്നുവോ അവനു പ്രയാസപ്പെടുത്തുന്ന കാര്യങ്ങളിൽ അവനു അല്ലാഹു മതിയാകും (അല്ലാഹു
അവനെ സംരക്ഷിക്കും)-അവൻ സത്യപ്പെടുത്തിയാലും അല്ലെങ്കിലും.
(അവലംബം : സുനനു അബീ ദാവൂദ്
ഔനുൽ മഅബൂദ് عون المعبود
സഹിതം)
رواه
ابن السني في عمل اليوم والليلة، ص 132، وابن عساكر، 36/ 196، وصحح إسناده
الأرناؤوط في زاد المعاد، 2/ 37 موقوفاً، وحسّنه سليم الهلالي في عمل اليوم
والليلة، برقم 72
ഇബ്നുൽ ഖയ്യിം റഹിമഹുല്ലാഹ്- യുടെ സാദുൽ മആദു
8. സൂറത്ത് സജദ , സൂറത്തുൽ മുൽക്ക് എന്നീ സൂറത്തുകൾ ഉറങ്ങുന്നതിനു മുമ്പ് ഒരു
തവണ
حَدَّثَنَا هُرَيْمُ بْنُ مِسْعَرٍ التِّرْمِذِيُّ حَدَّثَنَا الْفُضَيْلُ
بْنُ عِيَاضٍ عَنْ لَيْثٍ عَنْ أَبِي الزُّبَيْرِ عَنْ جَابِرٍ أَنَّ النَّبِيَّ صَلَّى اللَّهُ عَلَيْهِ وَسَلَّمَ كَانَ لَا يَنَامُ حَتَّى يَقْرَأَ الم
تَنْزِيلُ وَتَبَارَكَ الَّذِي بِيَدِهِ الْمُلْكُ
ആശയം : ജാബിർ റദിയല്ലാഹു
അന്ഹു റിപ്പോർട്ട് ചെയ്യുന്നു:നബി സ്വല്ലല്ലാഹു അലൈഹി വ സല്ലം അലിഫ് ലാം മീം തന്സീൽ
....(സൂറത്ത് സജദ ), തബാറക ...(സൂറത്തുൽ മുൽക്ക് ) എന്നീ സൂറത്തുകൾ പാരായണം ചെയ്യാതെ ഉറങ്ങുക പതിവില്ലായിരുന്നു.
(അവലംബം : സുനനു തിർമുദി തുഹ്ഫത്തുൽ അഹ്‌വദി സഹിതം)
(സൂറത്തുൽ മുൽക് പാരായണം ഖബർ ശിക്ഷയിൽ നിന്നുള്ള രക്ഷക്ക് കാരണമാകുമെന്നും
ഹദീസുകളിൽ കാണാം)
MODULE 05/15.04.2020
9. സൂറത്ത് ബനീ ഇസ്‌റാഈൽ , സൂറത്ത്
സുമർ എന്നിവ എല്ലാ രാത്രിയും ഓതുക:
عَنْ عَائِشَةَ قَالَتْ كَانَ رَسُولُ
اللَّهِ صَلَّى اللَّهُ عَلَيْهِ وَسَلَّمَ يَصُومُ
حَتَّى نَقُولَ مَا يُرِيدُ أَنْ يُفْطِرَ وَيُفْطِرُ حَتَّى نَقُولَ مَا يُرِيدُ
أَنْ يَصُومَ وَكَانَ يَقْرَأُ كُلَّ لَيْلَةٍ
بِبَنِي إِسْرَائِيلَ وَالزُّمَرِ
ആശയം :ആഇശ റദിയല്ലാഹു അന്ഹാ റിപ്പോർട്ട് ചെയ്യുന്നു: ചിലപ്പോൾ നബി, ഞങ്ങൾ ഇനി നബി നോമ്പ് ഉപേക്ഷിക്കില്ല എന്ന്
പറയാൻ കരുതുന്ന വിധം സുന്നത്ത് നോമ്പുകൾ നോൽക്കുമായിരുന്നു.ചിലപ്പോഴാകട്ടെ
ഇനി നബി നോമ്പ് നോൽക്കില്ലായിരിക്കും എന്ന് ഞങ്ങൾ കരുതുന്ന വിധം കുറെ ദിവസങ്ങൾ സുന്നത്ത്
നോമ്പ് പിടിക്കാതെയും കഴിയുമായിരുന്നു.എല്ലാ രാത്രികളിലും സൂറത്ത് ബനീ ഇസ്‌റാഈൽ ,
സൂറത്ത് സുമർ എന്നിവ നബി പാരായണം ചെയ്യുമായിരുന്നു. (അവലംബം:മുസ്നദ് അഹ്മദ്
)
10. ഉറങ്ങുന്നതിനു
മുമ്പ് മുസബ്ബിഹാത്ത് പാരായണം ചെയ്യൽ സുന്നത്താണ്
وَهِيَ
سَبْعَةٌ
سُبْحَانَ الَّذِي أَسْرَى وَالْحَدِيدُ وَالْحَشْرُ وَالصَّفُّ
وَالْجُمُعَةُ وَالتَّغَابُنُ وَالْأَعْلَى
മുസബ്ബിഹാത്ത് എന്നാൽ സൂറത്ത്
ബനീ ഇസ്‌റാഈൽ (സൂറത്തുൽ ഇസ്രാഉ എന്നും പറയും),ഹദീദ് ,ഹഷർ ,സഫ് ,ജുമുഅ ,തഗാബുൻ , അഅലാ (സബ്ബിഹിസ്‌മ .....)
സൂറത്തുകൾ ആണ്.
തെളിവ്:
عَنْ عِرْبَاضِ بْنِ سَارِيَةَ،
أَنَّهُ حَدَّثَهُ أَنَّ النَّبِيَّ صلى الله عليه وسلم كَانَ يَقْرَأُ
الْمُسَبِّحَاتِ قَبْلَ أَنْ يَرْقُدَ وَيَقُولُ " إِنَّ فِيهِنَّ آيَةً خَيْرٌ مِنْ أَلْفِ آيَةٍ
" . قَالَ أَبُو عِيسَى هَذَا
حَدِيثٌ حَسَنٌ غَرِيبٌ
ഇർബാദ് ബ്നു റദിയല്ലാഹു
അന്ഹാ റിപ്പോർട്ട് ചെയ്യുന്നു:നബി സ്വല്ലല്ലാഹു
അലൈഹി വ സല്ലം ഉറങ്ങുന്നതിനു മുമ്പ് മുസബ്ബിഹാത് സൂറത്തുകൾ പാരായണം ചെയ്യാറുണ്ടായിരുന്നു.നബി
പറയുമായിരുന്നു:''അവയിൽ 1000 ആയത്തുകളേക്കാൾ ശ്രേഷ്ടത
ഉള്ള ഒരു ആയത്ത് ഉണ്ട്''.( പ്രസ്തുത ആയത്ത് സൂറത്തുൽ ഹഷറിലെ 21 -ആം ആയത്ത് (...لَوْ أَنزَلْنَا هَذَا الْقُرْآنَ عَلَى
جَبَلٍ),
ആണെന്നും സൂറത്തുൽ ഹദീദിലെ മൂന്നാം ആയത്ത്( هُوَ الْأَوَّلُ وَالْآخِرُ
وَالظَّاهِرُ وَالْبَاطِنُ وَهُوَ بِكُلِّ شَيْءٍ عَلِيمٌ) ആണെന്നും
മറ്റും വ്യത്യസ്ത അഭിപ്രായങ്ങളുണ്ട്)
(അവലംബം : സുനനു തിർമുദി തുഹ്ഫത്തുൽ അഹ്‌വദി സഹിതം)
11. രാത്രി
ഉറക്കിൽ നിന്ന് ഉണരുമ്പോൾ ആലു ഇമ്രാൻ സൂറത്തിലെ അവസാനത്തെ പത്തു
സൂക്തങ്ങൾ ഓതുക:
തെളിവ്:
عَنْ
كُرَيْبٍ أَنَّ ابْنَ عَبَّاسٍ أَخْبَرَهُ أَنَّهُ بَاتَ عِنْدَ مَيْمُونَةَ
وَهِيَ خَالَتُهُ فَاضْطَجَعْتُ فِي عَرْضِ وِسَادَةٍ وَاضْطَجَعَ رَسُولُ اللَّهِ
صَلَّى اللَّهُ عَلَيْهِ وَسَلَّمَ وَأَهْلُهُ فِي طُولِهَا فَنَامَ حَتَّى
انْتَصَفَ اللَّيْلُ أَوْ قَرِيبًا مِنْهُ فَاسْتَيْقَظَ يَمْسَحُ النَّوْمَ عَنْ
وَجْهِهِ ثُمَّ قَرَأَ عَشْرَ آيَاتٍ مِنْ آلِ عِمْرَانَ ثُمَّ قَامَ رَسُولُ
اللَّهِ صَلَّى اللَّهُ عَلَيْهِ وَسَلَّمَ إِلَى شَنٍّ مُعَلَّقَةٍ فَتَوَضَّأَ فَأَحْسَنَ
الْوُضُوءَ ثُمَّ قَامَ يُصَلِّي فَصَنَعْتُ مِثْلَهُ فَقُمْتُ إِلَى جَنْبهِ
فَوَضَعَ يَدَهُ الْيُمْنَى عَلَى رَأْسِي وَأَخَذَ بِأُذُنِي يَفْتِلُهَا ثُمَّ
صَلَّى رَكْعَتَيْنِ ثُمَّ رَكْعَتَيْنِ ثُمَّ رَكْعَتَيْنِ ثُمَّ رَكْعَتَيْنِ
ثُمَّ رَكْعَتَيْنِ ثُمَّ رَكْعَتَيْنِ ثُمَّ أَوْتَرَ ثُمَّ اضْطَجَعَ حَتَّى
جَاءَهُ الْمُؤَذِّنُ فَقَامَ فَصَلَّى رَكْعَتَيْنِ ثُمَّ خَرَجَ فَصَلَّى
الصُّبْحَ
ആശയ സംഗ്രഹം : ഇബ്നു അബ്ബാസ് റദിയല്ലാഹു അന്ഹുവിന്റെ അടിമയായിരുന്ന കുറൈബ് എന്നവർ പറയുന്നു: ഇബ്നുഅബ്ബാസ് റദിയല്ലാഹു
അന്ഹു അദ്ദേഹത്തോട് പറഞ്ഞു:നബി സ്വല്ലല്ലാഹു അലൈഹി വ സല്ലമയുടെ പത്നിയും ഇബ്നു
അബ്ബാസ് റദിയല്ലാഹു അന്ഹുവിന്റെ മാതൃസഹോദരിയുമായ മൈമൂന റദിയല്ലാഹു അന്ഹായുടെ അടുക്കൽ ഇബ്നു അബ്ബാസ്
റദിയല്ലാഹു അന്ഹു ഒരിക്കൽ രാത്രി താമസിച്ചു. ഞാൻ (ഇബ്നു അബ്ബാസ്
റദിയല്ലാഹു അന്ഹു)മെത്തയിൽ തിരശ്ചീനമായി കിടന്നു റസൂലുല്ലാഹി സ്വല്ലല്ലാഹു അലൈഹി വ
സല്ലമയും ഭാര്യയും മെത്തയിൽ നീളത്തിലും കിടന്നു .റസൂലുല്ലാഹി സ്വല്ലല്ലാഹു അലൈഹി വ
സല്ലമ ഏകദേശം രാത്രി പകുതിയാവോളം ഉറങ്ങി .റസൂലുല്ലാഹി സ്വല്ലല്ലാഹു അലൈഹി വ സല്ലമ ഉണര്ന്നു ഇരുന്ന ശേഷം കൈ
കൊണ്ട് മുഖം തടവി .പിന്നീട് ആലു ഇമ്രാൻ സൂറത്തിലെ അവസാനത്തെ പത്തു സൂക്തങ്ങൾ
ഓതി.അവിടുന്നു കെട്ടി തൂക്കിയിരുന്ന ഒരു പാത്രത്തില്‍ വുദു എടുത്തു; അനന്തരം റസൂലുല്ലാഹി
സ്വല്ലല്ലാഹു അലൈഹി വ സല്ലമ നമസ്ക്കരിക്കാന്‍ നിന്നു. അപ്പോള്‍ ഞാൻ
എണീറ്റു റസൂലുല്ലാഹി സ്വല്ലല്ലാഹു അലൈഹി വ സല്ലമ വുദു എടുത്തതുപോലെ ഞാനും വുദു എടുത്തു. എന്നിട്ട് ഞാൻ
എണീറ്റു നബിയുടെ ചാരത്തു ചെന്ന് നിന്നു.അപ്പോൾ
നബി സ്വല്ലല്ലാഹു അലൈഹി വ സല്ലമ നബിയുടെ വലതു കൈ എന്റെ തലയിൽ വച്ചു എന്റെ വലതു
ചെവിയിൽ പിടിച്ചു എന്നെ വലത്തോട്ട് മാറ്റി പിന്നെ നബി രണ്ടു റകഅത്ത് നിസ്ക്കരിച്ചു.വീണ്ടും
രണ്ടു റകഅത്ത് ,വീണ്ടും രണ്ടു റകഅത്ത് ,വീണ്ടും രണ്ടു റകഅത്ത് ,വീണ്ടും രണ്ടു റകഅത്ത് ,വീണ്ടും രണ്ടു റകഅത്ത് എന്നിങ്ങനെ നബി
നിസ്ക്കരിച്ചു പിന്നെ നബി വിത്രാക്കി/ ഒറ്റയാക്കി നിസ്ക്കരിച്ചു(ആകെ 13) ശേഷം അവിടുന്ന് ചെരിഞ്ഞു
കിടന്നു. പിന്നീട് ബാങ്കു വിളിക്കാരന്‍ വന്നു നമസ്കാരത്തിന് ബാങ്ക് വിളിച്ചു.
അപ്പോൾ നബി എണീറ്റു ലഘുവായ രണ്ടു റകഅത്ത് നിസ്ക്കരിച്ചു ശേഷം പള്ളിയിലേക്ക്
പുറപ്പെടുകയും പള്ളിയിൽ സുബ്ഹു നിസ്ക്കരിക്കുകയും
ചെയ്തു(അവലംബം:സ്വഹീഹുൽ ബുഖാരി)
VIDEO LINKS:
https://youtu.be/wMN0yigVuJ8
https://youtu.be/el48hiF1T1g
ഇവിടെ പരാമർശിച്ചത് കൂടാതെ യാസീൻ,ദുഖാൻ,വാഖിഅ തുടങ്ങി പല സൂറത്തുകൾ സംബന്ധിച്ചും ഹദീസുകൾ വന്നിട്ടുണ്ട്
.എന്നാൽ അവയിൽ പലതും സ്വഹീഹല്ല എന്ന് കാണുന്നു. الله
اعلم
DON'T FORGET TO LIKE, COMMENT AND
SHARE.8848787706ABBAS PARAMBADANالسلام عليكم
No comments:
Post a Comment